قصة سارة و يوسف

1. قصة سارة و يوسف

كانت كاينة طفلة اسمها سارة عمرها 19 سنة تعيش في حي متواضع . الناس فيه كامل متفاهمين و عايشين مع بعض نورمال وكانت سارة عندها احلام و حوايج تتمناها في المستقبل
كيما البنات كامل راجل مليح يكون متفهم و عاقل وخدام . زواج . دار يعني امنيات باينة مستقبلية وكان عند سارة صديق يسكن غير في حومتها اسمو يوسف اللي هو اكبر من سارة ب 3 سنين
كان عزيز عليها بزاف مام هو كان يبادلها بنفس الشعور لانها صديقة الطفولة و كلشي ...
مي سارة كان عندها حاجة في قلبها يعني من ناحيتو وكانت تحبو بصح ما قدرتش تقولو على خاطر
هو كان بحنونتو وخانتو مع غيرو امالا ما ولاش يدير كونفيونس في البنات . هي قاومت الشعور هذاك شهور وبعدها ما قدرتش تصبر قالت لصحبتها العزيزة باللي راهي تحبو وما عرفتش....

كيفاش تدير ايا صحبتها قالتلها اخدمي كونت فيس جديد و ابعثيلو و احكي معاه و بلا ما تقوليلو باللي نتي سارة . وكيما كان الحال فتحت كونت و بعثتلو ايا يوسف جانتو انفيطاسيون قبل نورمال
يقولك خيرها في غيرها و برا ذاك الجرح لي في قلبو و بدا يرجع لطبيعتو
.. ايا فتحت سارة لقاتو اون لاين فرحت بزاف وبدات تتعرف عليه بشوي ... سلام / سلام / كيفك خويا / الحمد لله
ونتي / والله لاباس ... وتعرفو كيما الناس عادي قاتلو باللي اسمها جيهان و تسكن في قسنطينة وعمرها 20 سنة / و هو قالها باللي اسمو يوسف و يسكن في البليدة و عمرو 22 سنة وبدا
يحكيلها على نفسو باللي خدام و على عائلتو و باللي خانتو طفلة وكلشي ... ايا بقاو على هذا الحال و يوسف بدات جيهان لي هي سارة تدخل قلبو كان حاب يزيد يتعرف عليها و يطلب رقهما
و يطلب باش تتلاقا بيه مي كان مزال يتفكر في ليستوار تاع حنونتو الاولى . ايا جاب يومين و بعدها .....

... ايا في الليل عيط لجيهان و بدا يحكي معاها كي العادة وكلشي جابو قريب 2 سوايع
وهم يحكو . ايا كي كملو الهدرة بداو يودعو في بعض قاتلو في الاخير نحبك و نموت عليك و مام هو رد عليها باللي يحبها ايا فاتو نهارين و تلاقا بسارة في حومتو كي العادة سلام / سلام حكاو
شويا و حكالها على جيهان ايا حب يجرب يعرف باللي سارة هيا جيهان و لا لالا ايا قال لسارة نقولك كلمات و جربي عاودي من ورايا وهي نورمال بدات تعاود من وراه حتى قالها قولي نحبك
و نموت عليك هيا حشمت ومن بعد قاتلو هو جاتو بنفس الصوت تاع جيهان !! ...
ايا ما حباش يقولها و تركها لحالها و تفارقو كل واحد في طريقو .. ايا هو كي العادة في الليل عيط لجيهان
قالها اهلا سارة ! هيا جاتها صدمة كيفاش عرف باللي هيا ! سكتت شويا من بعد غلقت التيليفون عليه عاود عيطلها ما ريبونداتش الثانية عيط
ريبوندات .. علابالي بيك باللي سارة وكي غلقتي
تأكدت باللي نتي و قالها باللي متمني انها تهدر و تقولو باللي هي سارة
لانو يحبها وبما كان الحال ردت عليه وقاتلو باللي هيا ايا فرح بزااااف و غدوة من ذاك تلاقاو شافتو من بعيد جاي
بدات تلعبها حشمانة وهو غير لحق ليها حضنها بقوة وقالها نحبك و مذابيك
تكوني حلالي .. قاتلو نشالله ايا قال يوسف ليماه باش تخطبهالو و خطبها و تزوج بيها و جابو دراري و عاشو في هناء