قصة نسرين و كوثر

• قصة نسرين و كوثر

       القصة تاع ليوم تحكي على كوثر و نسرين ..

نسرين و كوثر زوج بنات يعرفو بعضاهم ملي كانو صغــآر , كانو جيرآن
يسكنو في نفس الحي , قرآو كيف كيف في الإبتدائي و المتوسط و الثانوي و كملو .. خيْرو يكملو في جآمعة دآلي براهيــم كي جآبو البآك...
و رغم ذلك دآرو مشوار دراسي كيف كيف مي كل واحدة كانت عندهآ شخية تاعهآ و أسلوب العيش لي تحب تعيـشو ....
كانت كوثر....
كانت كوثر محافظة و متحجبة . متوسطة الجمال . مثقفة
مي كانت عآيشة حياتهآ كيما البنات . تحب تشوف المسلسلات التركيـة و المسلسلات المدبلجة...
كانت تحب قصص الحب ‪#‎Malgré‬ كانت محافظة مي كانت ضد الزواج التقليدي . كانت حابة تتعرف بواحد قاري و تكون العلاقة تاعهم محترمة و في الحلال ....
على العكس منهآ نسرين كانت سيفيليزي شابة بزاف . تتهلا في روحهآ بالمكياج و اللبسة الشابة و الغالية..
كانت تكره قصص الحب . كانت تأمن بالملموس و كانت تمشي بزاف مع ليجان و كل يوم معا وآحد و هادا لي خلى كوثر تغير شوية من نسرين و تندب زهرهآ ...
مي هكداك و كان الحب بيناتهم و يتمنآو الخير لبعضاهم و كانت كل وحدة تنصح في صحبتهآ مي كلشي راح يتبدل بعد ما يدخل حياتهم فؤاد .....

كان كل شيء مليح بين نسرين و كوثر . حتى واحد الخطرة كانو راجعين للدار كيف كيف جاهم وآحد الجان اسمو فؤاد .. يقرى في دالي براهيـم ...
شباب بزاف. حطة و طويل
كانت عندو واحد الإبتسامة تقتل اي طفلة يحكي معاهآ
بدا فؤاد يحكي مع نسرين و يعبرلهآ على الإعجاب تاعو بيهآ
و نسرين تشوف فيه من لفوق حتى لتحت و قبل ما يكمل قاتلو نسرين واش راك حاب مني دوكآ ؟
قالهآ سمحيلي ختي مانيش نهدر معآك راني نحكي مع صاحبتك و دار لكوثر و دومونداهآ
كوثر قبلت ديراكت ههههههههه.....

كيما كان الحال بدات قصة الحب بين كوثر و فؤاد . كانت بداية صامطة شوية... سورتو في التيليفون. حست كوثر بلي فؤاد ما يحبهآش و بلي كان يحوس على نسرين ماشي عليهآ . مي فؤاد قال لكوثر بلي راهو يحشم بزاف في التيليفون و بلي يساعدو لوكان يهدرو في الفايسبوك باسكو ليقآ في راحتو فيه ..
هنآ كانت بداية الحقيقية للحب بيناتهم . لقات عبد وحداخر في الفايسبوك
حست كوثر صح بلي فؤاد يحبهآ و يموت عليهآ . كان يحكيلهآ على كل تفاصيل لي فيهآ كان باين بلي عندو شحال و هو يحبهآ و يتبع فيهآ
كانت كوثر ميتة بالسعادة
أخيرآ لفات الحب الحقيقي لي كانت تحوس عليه
مي الحب بين كوثر و فؤاد يزيد منآ و الغيرة تآع نسرين تزيد منآ
وآش دآرت نسرين ؟؟؟ ....

راحت نسرين دات نيميرو تاع فؤاد من بورطابل تاع كوثر بلا ما تقولهآ و بلا ما تفيقلهآ .. . حبت تعرف زعما ادا كان فؤاد يحب كوثر ولا و راهو يحبهآ هي و حاب يخليهآ تغير ... !!
اتصلت بيه ! رفد عليهآ و تفاهمو يتلاقاو وحدهم
كي تلاقاو صارحهآ فؤاد بلي كان نويهآ هي هاديك الخطرة و ماشي صحبتهآ ... مي مع الوقت بدات تعجبو كوثر و يحبهــآ ...
المهم تفارقو على خير . مي نسرين طاحت في فؤاد حتى جبداتو ليهآ
و ولاو يخرجو و يدورو و كوثر مسكينة مكان علابالهآ بوالو حتى واحد الحطرة شافت ...........

حتى واحد الخطرة شافت نسرين مع فؤاد في الطونوبيــل..
تشوكات كوثر كي لقاات صحبتهآ الأنتيم تديلهآ راجل الوحيد لي حباتو و نواتو في الحلال .. كانت الدمعة في عينهآ و هي تشوف فؤاد اللي حباتو و عشقت فيه يخونهآ مع صحبتهآ الانتيم .. اغلى ناس في حياتهآ يخدعوهآ و يخونو فيهآ و يطعنوهآ في الظهر .
ما قدرتش تخبي في قلبهآ
منداك غدوة تلاقات بنسرين و طرطقت في وجهآ و تقولهآ بلي شافتهآ مع فؤاد ..
سكتت نسرين !!
و من بعد قالت كوثر : لازم فؤاد هو لي يخير بيناتنآ
و كيما كان الحال
صارحو فؤاد و حطوه امام الامر الواقع ..
فؤاد قرر يخير ...

فؤاد قرر يخير نسرين و يسمح في كوثر ...
كوثر مسكينة ما لقات ما تقول ..
شعرة وهبلت ..
قصة حب الوحيدة في حياتهآ داتهالهآ صاحبتهآ الانتيم !!
غاضها الحال بزاف كي سمح فيهآ فؤاد بسهولة
حست روحهآ استغلهآ باش يلحق لنسرين
قطعت علاقتهآ بنسرين و فؤاد
و جبدت روحهآ على الغاشي كامل ...
بعد شهور سمعت كوثر بلي فؤاد و نسرين تفارقو و بعدهآ بمدة !!
شكون جا خطب كوثر من دارهم !!!!

الحكاية هي انو فؤاد و نصر الدين كانو صحاب و تفاهمو خطرة كل واحد يروح يدوموندي لي يحبهآ
كي فؤاد راح يدوموندي نسرين اللي يحبهآ كي حس بلي نسرين راهي تتكبر عليه راح دار دوموندا صحبتهآ كوثر ...
كي ولى لصاحبو قالو غلطت و دومونديت صحبتهآ و كي وراهالو قالو نصر الدين بلي هو عندو شحال و هو يتبع فيهآ و هي طفلة لي يحبهآ و ناوي يدومونديهآ ..
واش دار فؤاد !!

الوغ واش دار فؤاد !
هدر مع كوثر في التيليفون و مع الوقت قالهآ نهدرو في الفايسبوك خيــر
و عطالهآ فايسبوك تاع نصر الدين ! تم الي صرات قصة حب حقيقية بيناتهم ...
نسرين كي عيطت لفؤاد حكالهآ كلش على هآدي نسرين ولات اون كوبل مع فؤاد ...
مع الوقت نسرين و فؤاد ضاربو و تفارقو ...
و نصر الدين ما قدرش يصبر ما يحكيش مع كوثر ..
راح خطبهآ ديراكت من دارهم
مي بقا حشمان يحكيلهآ واش صرا
كان فؤاد دايما يقولو يقولهآ و قعد مزير في وجهو قدامهآ ,, فؤاد قرر بلي في العرس يجي و يخلي نصر الدين يحكي واش صرى ....
راح خلع في كوثر حتى ناض نصر الدين و حكى كلش لكوثر ...
زعفت عليه يامات مي ولاو يحبو بعضاهم كيما بكري ولا كثر