قصة أميرة وأيوب

• قصة أميرة وأيوب

بدات لحكاية فالشتاء .. شاف ايوب اميرة خارجة مل حانوت و كان شعرها مشمخ و كانت مزروية و قاطعة طريق تجري ما كانش عندها بارابلي .. رافدة ساشيات تعافر فيهم مسكينة .. هو كان حاب يعاونها مي قال لروحو لا لا ما جاياش .. و كمل طريقو عادي و هي ما نتبهتلوش اصلا !
مي بقا يخمم فيها .. عجباتو بزاف ..
لمهم .. هو قال خلاص مانزيدش نتلاقا بيها سور  .. جازو يامات و نساها كامل ..
حتى جا وحد نهار و شافها ف بيزيريا مع صحاباتها و هاد لمرة كانت مرتبة شويا ههههه
هو قال و الله ما تروح بلا ما نحكي معاها .. و راح ليها و قال: سلام ماعليش نحكي معاك شويا ♥  !!
هي : وي تفضل
هو : انا شفتك و عجبتيني بزاف ماشاء الله حبيت نتعرف عليك اذا حبيتي و اذا ما فيهاش اشكال .. !!
هي خافت و ترددت و حارت واش دير .. صحاباتها يشرولها باش تقول ايه مي هي بقات ساكتا و حشمانا .. ☺
قالها : علابالي ماكيش حبا مي هاوليك نيميرو ديالي ادا بدلتي رايك عيطيلي .. و سمحيلي ادا ديرونجيتك .. بون جورني .. و راح ... ♥ !
كان خايف ما تعيطلوش و ما يزيدش يتلاقا بيها ..
و هي لحشما ما راحتلهاش و صحاباتها يضحكو و يقولها اااوووووههه شحال يعرف يهدر باين هايل .. عيطيلو بالاكي ما تعيطيش راح تراطي ...

اميرة كانت خايفة ما كانتش حابا تزيد تتمرمد و تبكي باسكو كانت تخرج مع واحد لي تمسخر بيها و خلاها تعاني ...
لمهم .. راحت ل دار و بقات شادة داك نيم و تشوف فيه ..
و هو كره حياتو و هو يستنا تعيطلو .. قاعد يدعي على سعدو .. و شاد تيليفون و صابر .. حتى صوناااا ☺
هو مل فرحا كوبالها  هههههههههـ
مي عاودلها و هدرو و تعارفو ...  غايا !
هو : الو سلام عليكم
هي: و عليكم سلام
هو : سور نتي هي لي هدرت معاها ليوم صباح
هي : وي انا هي ..
هو : مزيا عيطتي .. انا قلت ما نعيطيش .. بون انا ايوب عندي 22 سنة نقرى ف لافاك ما بقاليش بزاف و نكمل .. و نتي !!
هي: انا اميرة عندي 18 سنة هادا عامي لول ف لافاك نقرى اسبانيول ..
هو : يا سبانيوليا ما درتي فيا والله ماني مأمن بلي عيطتيلي ..
هي : ههههه غير أمن
من بعد كملو هدرو عادي تعرفو مليح مليح جازو يامات و ولاو ما يقدروش ما يتهادروش والفاتو و والفها ...
ولا يخاف عليها من كل شي .. يدل يوصي فيها على روحها و مام هي كانت تخاف عليه .. كانت ماشي مأمنا بلي راح تلقى واحد لي ينسيها فل عداب لي كانت عايشاتو من قبل

ايوب كانت كل وحدا تتمناه باسكو جاي طويل و اسمر عندو لحيا و لي فوسات و لي زابدو (هههه موح ليزابدو شكون يشفالو ).... و مام هي خموس عليها و مربية و عاقلة .. ♥ ☺
كامل حسدوها فيه .. مع لول كانت ما دير على حتى واحد مي راكم تعرفو لبنات واش قادرين يديرو ...
بصح هو الله يكثر م مثالو ما كان يشوف ف حتي وحدة من غيرها ...
كان ينوض بيها و يرقد بيها ..
ايوب و اميرة كانو دايرين مخططات بزاف لحباتهم فل مستقبل.. كانو معولين يشرو دار صغيرة على قيسهم و تكون فيها حاجات لي كي يشوفوها يتفكرو بعضاهم .. كان ايوب واعدها بحياة ما تتوقعهاش و هي تقعد و تسمعلو كي يكون يحكي و تبتاسملو و فرحانة ..
كان يقوللها نديرلك عرس ما تنسايهش طول حياتك .. يحكو فيه منا على عام .. و هي كانت تسمع و تحلم و طايرا فسما .. كانو متفاهمين و متحابين بزاف .. ♥ ♥
اميرة كانت عندها وحدة صحبتها و دايرتها كي ختها .. تحبها و تحكيلها كلش .. كانت اميرة كل ما تتلاقا ب ايوب تحكي ل سرين واش يقلها .. اميرة كانت تحكي و فرحانة ل ارض ماشي واسعتها مل فرحة .. كانت تقلها كلش و ب تفصيل ...

سرين فل يامات لولين فرحت لصحبتها .. بصح مع لوقت ولات تغير منها .. ولغيرة ولات حسد .. اومبعد حقد .. حتى ولات تكرها و تتمنالها شر و تقول لروحها علاش هي عندها لي يحبها و يخاف عليها و انا لا ...
كانت قادرة دير لموحال باش تفرقهم ..
نسات عشرت سنين .. و لملح لي كلاتو في دار اميرة .. نسات ليامات شابين لي جوزتهم معاها .. نسات بلي كانت تعيطلها ختي ....
اميرة كانت نية مسكينة .. كانت حنينة بزاف ..
وحد نهار عيطتلها سيرين و تبكي ..
ارواحي يا اميرة مانيش مليحة راني حابا نموت كرهت مهاد دنيا ..
اميرة رفدت روحها و راحت عندها تجري ..
كي لحقت بدات تشيلها و تبكيلها و تتمسكن .. تقولها انا راني حابا نموت و ما عنديش زهر و و و ....
و اميرة تصبر فيها و تقولها ربي ما فيه غير لخير ...
موراها ب يامات .. سيرين قالت ل اميرة راني نخرج مع واحد و راح نتلاقا بيه ارواحي معايا .. اميرة فرحت و قاتلها ايه ..
داتها و راحو كي وصلو جا سيد قالهوم ايا نروحو لكاش بلاصا .. طلعو ف طموبيل و قلع .. وصلو لوحد لبلاصا خالية .. اميرة خافت على روحا و على صحبتها .. قاتلها سيرين خوفت قاتلها لالا ما تخافيش واش بيك راكي معايا .. اميرة امنت مسكينة ما علابالهاش بلي صحبتها راهي ناويتلها شر ..

أميرة أمنت مسكينة ما علابالهاش بلي صحبتها راهي ناويتلها شر .. هبطو م طموبيل .. سيرين غمزت لمهدي هو جبد مشوارا فيها مخدر و غمها بيها .. رفدها و دخلها لوحد دار .. دار فيها لعجب مسكينة .. ما خلا فيها والو ... !
اميرة فطنت صابت روحها الله لا يشوفكم .. تخلعت مسكينة ما لقات ما دير .. قاعدا غير تبكي و تعيط ..  !
هاذي هي صحبة .. هاذي هي لعشرة .. ختها حبيبتها توأم روحها دارتها بيها ..  !!
اميرة ولات لدار .. دوشت .. توضات .. صلات .. تصلي و تدعي لربي يوريلها واش دير .. تبكي و تطلب من ربي يسترها ..
عيطت ل ايوب بصح ما قدرتش تحكيلو .. و هو يسقسي فيها
هو: عمري واش بيكي ليوم .. ماكيش تضحكي كيما لعادا .. راكي مريضا ؟ راكي عيانا ؟ ياك قتلك ما تعييش روحك ! ..
هي : لالا حبيبي ما بيا والو .. راني عيانا مل قرايا ..
و هي راهي شادا دمعة بسيف ..
هو : مرتي شوفي نتي ريحي شويا و اومبعد نعاودلك
هي : اوكي حبيبي .. ( دموع طاحو كي قالها مرتي

هو : مرتي شوفي نتي ريحي شويا و اومبعد نعاودلك ♥
هي : اوكي حبيبي .. ( دموع طاحو كي قالها مرتي )
ايوب دير في بالك بلي نحبك نموت عليك نتا هو حياتي .. سمحلي ..
هو : ههههههـ واش بيك سبانيوليا ديالي هههه كي تكوني عيانا تهدري برك هههه .. مام انا نحبك و نتي مرتي و انشاء الله تكوني ملكة داري و ام ولادي ... ☺ ♥
هي: ( ما قدرتش تشد روحها دموع يسيلو و هي ساكتا ) ايوب نتلاقاو غدوا لازم نحكيلك حاجا
هو: وي اوكي حبي .. حتى انا حاب نشوفك .. غدوا نتفاهمو على نهار لي نجي نخطبك فيه خلاص حبيتك تكوني حلالي ماني حاب حتى واحد يحكي عليك .. ما قدرتش نزيد نصبر كتر ..
هي : غدوا نشاء الله نحكيو عمري .. انا نروح نريح .. باي حبك ..
هو: عمري نموت عليك .. باي
هي كوبات من . ترتقت بل بكا من ..
هو حس بلي كاين كاجا .. باسكو اميرة من صوتها تبان ..
طلع النهار و اميرة كانت خايفا و تدعي ل ربي سبحانو يعاونها و يسهللها باش تصارح ايوب .. كانت خايفا تخسرو .. كانت متمنيا تكون في حلم ..
لمهم ..
تلاقاو اميرة و ايوب .. باسها من راسها و قالها عمري مرتي .. واش بيه زين ديالي ..
هي بدات تبكي .. عنقها و قالها ااوووو مرتي واش بيك .. واش كاين احكيليي .. علاش راكي تبكي .. علاش راكي تعدبي فيا .. ♥
اميرة كانت تبكي بل حرقة و تقولو سمحلي ايوب سمحلي سمحلي والله ما انا .. انا غدرت بيا لي كونت حاسبتها ختي .. ايوب سمحلي .. والله ماراني قادرا نشوف فيك ..
هو: واش كاين اميرة فهميني .. واش بيك .. علاش نسمحلك .. يا ربي احكيلي ..
اميرة دارت لكوراج .. و دعات لربي في قلبها .. و بدات تحكيلو ..

تشوكاا .. بقا ساكت  .. و دموع يطيحو من عينيه  .. ما هدر والو .. دنيا ظلامت في عينيه .. رفد روحو و ما هدر حتى كلمة مشوك .. و راح يمشي و اميرة تبكي و تعيط ب اسمو .. ايوب ما تخلينيش .. والله ما ذنبي .. ايوب انا اميرة مرتك .. ايييوووب تعيش ما تعذبنيش .. وا تحرمنيش منك .. ايوووب ... هو يمشي و يبكي و ما حبش يدور موراه .. علابالو بلي اميرة تحبو و ما دارت والو برضايتها بصح ما قدرش يامن !!
كلشي ظاع في دقيقة .. احلامو تبخرت .. اميرة كانت هي حياتو .. مي كي صرا واش صرا ........  !
اميرة ولات لدار .. غير تبكي .. خدعتها لي كانت ختها .. و راح لغالي لي حباتو ..
اميرة ما خباتش على دارهم .. كي سمعو ما أمنوش ..
باباها ما لقى واش يدير !! بكى حتى مخو حبس ..
و يماها كيفكيف ..
جازو ليامات ..
اميرة ملي حكات ل ايوب ما زادتش هدرت معاه .. تيليفونو مغلوق ..
ما حوسش عليها كامل ..
كانت اميرة كل يوم تصلي و تدعي لربي و تبكي .. و تقول الحمد لله
حبست قرايا .. و دارت حيجاب و زادت قربت لربي كثر و كثر ..
كانت دايمن تحلم ب ايوب ف رقادها .. و تنوض تبكي ..
هو ثاني سوفرا بزاف .. بكى ليالي .. خمم مليح مع روحو بصح ما قدرش يهدر معاها ..
كانت غايضاتو عمرو .. و كان حاير واش يدير .. تمنى كون ما صرا كامل هاذ شي .. مي ... دوماج ..
وحد النهار بابات اميرة دخل لدار .. حط ساشيات و عيط لمرتو و بنتو اميرة ..
قالها يا بنتي خطبني فيك واحد ليوم .. و حكيتلو واش صرالك و قالي راني حاب نسترهالك ♥  .. و قالها انا مديتلو كلمة  ..
وجدو روحكم هاذ لخميس راهم جاين .. ♥ !
اميرة ما قدرتش تقول لالا و بدات تخمم في أيوب كيفاش حالتوا و واش راهو يدير دوكا ? و إذا نساها ولا لا  .. راحت لشومبرا و بكات بكات حتى اللي ماقدرتش مسكينة  !

ليامات جازو ظلمة .. كحولا .. سيات فيهم تعيط ل ايوب مي والو ...
لحق نهار لخميس .......
يمات اميرة عطات لبنتها روبا شابة تلبسها .. و قاتلها ديري شويا ماكيياج راكي صفرة ..
يا بنتي لازم تنسطري .. ما تقدريش تخيري .. الله غالب
اميرة عنقت يماها و بكات على صدرها ..
يماها كان قلبها محروق على بنتها ..
لمهم .. اميرة لبست و دارت شويا ماكيياج .. صونا لباب ..
فتح باباها .. رحب بيهم .. نسا دخلتهم يماها .. و بداو يحكيو ...
جات اميرة رافدا سنيوا و سلمت عليهم ...
كانت حا تموت ...
جا باباها و قال ليماها جيبي بنتك حاب يشوفها طفل ..
هي كانت متمنيا لرض تنشق و تبلعها ..
راحت مع باباها .. تخزر فل قاعا و حبا تبكي ..
دخلت لشومبرا مع باباها .. دخل سيد ...
هي قلبهاا حبس ... بداات تبكي .. و غير تخمم في أيوب مسكين  اللي حست بلي هي اللي خسراتو

دخلت لشومبرا مع باباها .. دخل سيد ... ♥
هي قلبهاا حبس ... بداات تبكي ... و سيد يبكي .. ما كانتش مأمنا .. . .
جابلي ربي عرفتو شكون ...
وي ايوب ...
ايوب هو لي خطبها و جاها طالب الحلال ...
(هو كان علابالو بلي هي ما دارت والو ... كان يحبها و حب يسطرها ... مالقري كانت غايظاتو عمرو مي قال هي واش دخلها .. هي ماكاش اشرف منها و كون وحدوخرا راهي خبات عليا )
اميرة عنقت ايوب .. هو يبكي و هي تبكي .. قالها والله ما قدرت بلا بيك .. غير نتي لي نديك ... ♥
هي قاتلو كان علابالي ما تخلينيش .. نحبك .. ♥ ربي يخليك ليا
خطبها و دارلها عرس كيما كان واعدها .. ماكاش لي ما حكاش على لعرس ..
يا لبنات هاذي هي حكاية اميرة و ايوب .. حبيت نقوللكم لي يشد في ربي .. والله ما يتخلى عليه .. كل شي بل مكتوب .. ♥
ربي سبحانو موحال ينسى عبادو ...
يا لبنات ما ديروش ثقة بزاف .. و لي راهي مهمومة ربي يفرج عليها انشاء الله و ربي يرزق كل واحد ببنت الحلال و كل وحدة بـ ولد الحلال ♥
**العبرة :
هي أنني حبيت نذكركم بحاج يسموها الغيرة فالنفس ضعيفة أمام شسهواتها و ماشي قاع الناس تقدر تتحكم فيها و لهادا لازم نعرفو واش نحكيو و الطريقة اللي نحكيو بيها مع الناس  و في الأخير نقولكم ربي يخليكم و صحيتوا اللي كنتوا معانا ♥ و أسمحولنا إذا قَصرنا معاكم ♥ الله غالب هاذي هي الحلاة نتاع القصة
     

                                      أعطونا رايكم في القصة ♥