قصة وائل و اميرة

• قصة وائل و اميرة

القصة لي وعدتكم بها دير جام قبل ما تقرى ♥

قصة وائل و اميرة :

اميرة ووائل شابان يعرفان بعضهما مند الصغر تكونت بينهم علاقة حب بعد ان تبادلا الاعجاب

كي خرجو مع بعضيتهم اميرة كان عندها 17 و وائل 20 عام وائل كان يدرس فالتانوية كان يعاود فالباك و اميرة كانت تقرى سنة اولى تانوي كانو عايشين قصة حب هبال وائل كان من عائلة فقيرة كان قليل و يخدم على دارهم و اميرة كانت من عائلة لاباس بيهم و عندهم الرزق و الناس دائما كانت تشوف الفارق بيناتهم مع العلم انو وائل كان يلبس لباس واحد يقرى بيه قاع الاسبوع كانو يقولو لاميرة انت مين و هو وين و ماينسبكش و الدنيا مقامات و لكن حبهم كان اقوى من دلك ............

المهم وائل قرر باش يكمل محبتهم بلحلال و خبر امه باش توجد روحها و حكالها و اخبر خطيبته باش تعلم اهلها المهم وائل كان فرحان و يقارع في هاداك نهار و اميرة كانت ميتة بالسعادة تستنى فالنهار لي غادي يجمعهم مع بعض في لحلال المهم جا نهار و وائل تسلف القش و دا امه و ابوه و راه كي وصلو استقبلوهم و دخلو صلب الموضوع المهم الوالدة تاعها قبلت و والد تاعها ما قبلش بحجة انو وائل مايقدرش يعيشها و انو ما يتنسبوش و بنته طموحها اكبر من دلك اميرة زعفت بزاف و وائل غاضاته و تالم خصوصا انو كانو يحبو بعض ووالد اميرة طيح بقيمة والديه و هضرله هضرة ضراته ............

المهم اميرة تمردت على بيتهم ووائل رجع للبيت خائب موجوع من كلام اب نتاعها و قرر باش يدير لابوه و امه حاجة امه و ابوه طلبو منه السماح لانهم كانو فقراء و ماعندهمش لكن وائل رضاهم بكلماته المهم اميرة ماكانتش تجي تقرى و ووائل تقلق عليها و ما بان عليها خبر ابوها حبسها من لقراية باش ما تتلقاش بوائل ولا تهرب الباك باقيله شهرين ووائل زير على روحه و قعد يسهر على قرايته مع العلم انو ان متخصص علوم فات الوقت و مابان الحال على اميرة وائل ربح الباك بمعدل مليح فرح والديه كتب رسالة لاميرة و بعتها مع صحبتها انو يبغيها و ما نساهاش و ما ينسهاش و انو المكتوب مادارش بيناتهم لا بد عليها تعيش حياتها وائل دار هك خوفا عليها ........

المهم وائل قرر باش يبعد و يقرى في جامعة تلمسان مع العلم انو كان متخصص في الطب ضارت الايام و اميرة نخطبت مل عند واحد من معارف ابوها ( بوكو دو حلا ) انقطعت اخبار اميرة على وائل و بالمقابل اميرة وصلوها الاخبار انو وائل راه في تلمسان ... وائل كمل اعوامه و دراسته و اميرة تزوجت و لكن مرغمة ما كانتش تبغيه تخرج وائل و اصبح طبيب فتح عيادة صغيرة في ولايته و قعد يسترزق بها المهم عيش والديه و اطهلا فيهم دار اسم ليه و لعائلته .... اميرة جابت ولد صغير و وائل قرر باش يكمل قرايته في اروبا .. المهم دارت ليام ... دارت ليام ... وائل تعرف على وحدة في فرنسا و تزوج بها اميرة جابت ابنة وحدخرة و بدات تمرض ... وائل جاب مع زوجته زوج تاع اولاد ...... المهم وائل مات بجلطة دماغية بسبب بعض المشاكل و اميرة ماتت بسبب السرطان في نفس اليوم !! دفنوهم بجانب بعضهم !! المكتوب والقدر !! ...

العبرة : الفقر عمره لا كان عيب و ادا لم يكتب لك الله شيئا في الدنيا فلا تحزن فد تجده في الاخرة !!

اتمنى قد تكون اعجبتكم الحكاية و قد استفدتم